ABC (क्राईमबिट)
काठमाडौं । नेपाल प्रहरी अपराध अनुसन्धान विद्यालय, महाराजगंजमा संचालन भएको “अपराध अनुसन्धान तालिम (सि.प्र.अ.)” ९३ औँ समुहको समापन कार्यक्रम जेठ २६ गते नेपाल प्रहरी संगठनका निमित्त प्रहरी महानिरीक्षक एवं राष्ट्रिय प्रहरी प्रशिक्षण प्रतिष्ठानका कार्यकारी निर्देशक एआईजी टेक प्रसाद राईको प्रमूख आतिथ्यतामा सम्पन्न भएको छ ।
उक्त कार्यक्रममा प्रमुख अतिथिबाट दीक्षीत भई जाने ४ जना महिला सहित जम्मा २४ जना प्रहरी अधिकृत (प्र.नि.) हरूलाई प्रमाणपत्र वितरण गर्नुका साथै कार्यक्षेत्रमा उपयोगी मार्गनिर्देशन तथा शुभकामना सहितको निर्देशन सम्बोधन गर्नु भएको थियो ।
साथै, उक्त कार्यक्रममा यस प्रतिष्ठानका निर्देशक प्र.ना.म.नि. रविन्द्र के.सी. नेपाल प्रहरी अपराध अनुसन्धान विद्यालयका प्रधानाचार्य प्र.व.उ. दिपेन्द्र जि.सी. लगायत अन्य सिनियर प्रहरी अधिकृतहरुको समेत उपस्थिति रहेको थियो भने तालिम संयोजक प्र.नि. गुणराज बुढाथोकीले तालिम सम्बन्धी प्रतिवेदन प्रस्तुत गर्नु भएको थियो ।
