घोराही ८ का वडा अध्यक्ष जितेन्द्र शाहले दिए पदबाट राजीनामा किन ?

(ABC-Sanchar)

दाङ । घोराही ८ नम्वर वडा अध्यक्ष जितेन्द्र शाहले वडा अध्यक्ष पदबाट राजिनामा दिएका छन । बजेटको बिषयमा असन्तुष्टि जनाउँदै वडा अध्यक्ष जितेन्द्र शाहले आज पदबाट राजिनामा दिएका हुन । एमालेबाट निर्बाचित शाहले घोराही उपमहानगरपालिकाको १३ औं नगरसभामा राजिनामा पत्र नगर प्रमुख नरुलाल चौधरीलाई बुझाएर नगरसभा चलिरहदा बाहिरिएका हुन । पटक-पटक आफ्नो वडामा बजेट हाल्ने आश्वासन दिएपनि त्यो आश्वासनमै सिमित पारेको भन्दै शाहले मेयरसंग चर्को असन्तुष्टि ब्यक्त गर्दै आएका थिए । आफ्नै पार्टीबाट निर्वाचित मेयरले बजेट नै नहाल्दीएपछि उनि पदमा बस्नु भन्दा राजिनामा दिनु नै उपयुक्त हुने ठहर गरेर राजीनामा दिने निष्कर्षमा पुगेको बताए । उनले यसअघिको बजेट ल्याउदा पनि फेसबुकमा राजिनामा दिने घोषणा गरेपनी अन्तिममा दिएका थिएनन् । उनले टाेलबासी सबैलाई बोलाएर आफुले बजेट हाल्न नसकेको भन्दै राजिनामा दिनका लागि सुझाब सल्लाह लिएका थिए । उनले आफुले आउने मेयरको तयारी गर्ने पनि बताए ।