ABC (क्राईमबिट)
बारा । सोनाभार टोलमा बस्ने जितेन्द्र चौधरीको घरमा अवैध लागू औषध गाँजा लुकाई छिपाई राखेको बिशेष सुचनाको आधारमा ईलाका प्रहरी कार्यालय कोल्हबीबाट प्रहरी निरीक्षक भोलामान सिंह अधिकारीको कमाण्डमा आवश्यक मद्दत सहितको प्रहरी टोली खटी जाँदा निज जितेन्द्र चौधरीको घरमा कोही मानिसहरु नभएकोले स्थानीय जनप्रतिनिधी तथा स्थानीय मानिसहरुको रोहवरमा घर खानतलासी गर्दा घरको कोठा भित्र लुकाई छिपाई राखेको अवस्थामा लागू औषध गाँजा १६८ किलो फेला परेकोले रितपुर्वक बरामदी गरी ईलाका प्रहरी कार्यालय कोल्हबी बारामा ल्याई राखिएको, घरधनी जितेन्द्र चौधरी लगायत उक्त घटनामा संलग्न रहेका व्यक्तिहरुको खोज तलास लगायतको अनुसन्धान कार्य भई रहेको जिल्ला प्रहरी कार्यालय बाराका प्रहरी नायब उपरीक्षक परुसोतम पाण्डेयले जानकारी गराउनु भएको छ।
