ABC (क्राईमबिट)
पर्सा । बिल विजक भन्दा बढी हार्डवेयर तथा खुद्रा समानहरू बोकेको माल बाहक ट्रक वीरगञ्जबाट कास्कीतर्फ जाँदै गरेको सूचना प्राप्त भई मधेश प्रदेश प्रहरी कार्यालय जनकपुरबाट खटिएको प्रहरी टोलीले मिति २०८०।०४।१० गते अंनदाजि राती ०२:३० बजे जिल्ला पर्सा वीरगञ्ज महानगरपालिका वडा नं.१४ गण्डक चोक स्थित सडकखण्डमा ना.३ ख ५५७६ नम्बरको मालवाहक ट्रक रोकी जाँच गर्ने क्रममा विल विजक भन्दा बढी मालबस्तुहरू लोड रहेको तथा सो विल बिजक संकास्पद देखिएको हुँदा अ.मु.रू ४२,१०,३९४ ।– (बयालिस लाख दश हजार तिन सय चौरानब्बे) बराबरको ट्रक र सो ट्रक भित्र लोड रहेको हार्डवेयर तथा खुद्रा समानहरू नियन्त्रणमा लिई थप अनुसन्धान तथा आवश्यक कारवाहीको लागि मिति २०८०।०४।११ गते राजश्व अनुसन्धान कार्यालय पथलैया, बारामा बुझाएको छ ।
साथै, बिल विजक भन्दा बढी हार्डवेयर तथा खुद्रा समानहरू बोकेको माल बाहक ट्रक वीरगञ्जबाट धनुषातर्फ जाँदै गरेको प्रप्त सूचना को आधारमा पर्सा प्रहरी कार्यालयबाट खटिएको प्रहरी टोलीले मिति २०८०।०४।१० गते अं. राती ०३:०० बजे जिल्ला पर्सा वीरगञ्ज महानगरपालिका वडा नं.८ घण्टाघर स्थित सडकखण्डमा ना.३ ख ३१९९ नम्बरको मालवाहक ट्रक रोकी जाँच गर्ने क्रममा विल विजक भन्दा बढी मालबस्तुहरू लोड रहेको तथा सो विल बिजक संकास्पद देखिएको हुँदा अ.मु.रू ४१,७७,६०७।– (एकचालीस लाख सतहत्तर हजार छ सय सात) बराबरको ट्रक र सो ट्रक भित्र लोड रहेको हार्डवेयर तथा खुद्रा समानहरू नियन्त्रणमा लिई थप अनुसन्धान तथा आवश्यक कारवाहीको लागि मिति २०८०।०४।११ गते राजश्व अनुसन्धान कार्यालय पथलैया, बारामा जिल्ला प्रहरी कार्यालय पर्साका प्रहरी नायब उपरीक्षक एवम् सुचना अधिकारी दिपक गिरिले जानकारी गराउनु भएको छ।
