ABC (क्राईमबिट)
काठमाडौँ । तारकेश्वर नगरपालिका–५ स्थित गोलढुंगाबाट सशस्त्र प्रहरीले नक्कली नोटसहित ३ जनालाई पक्राउ गरेको छ । पक्राउ पर्नेमा खोटाङ घर भएका लक्ष्मी पाण्डे, लमजुङका सुवास गुरुङ र रामेछापको गोकुलगंगा गाउँपालिका घर भएका मदन दमाई छन् ।
गोलढुंगा नगिनी खोलाबाट पक्राउ परेका आरोपितहरूको साथबाट एक हजार दरका १ लाख ८२ हजार नक्कली नोट बरामद गरिएको सशस्त्र प्रहरी बलका सहायक प्रवक्ता डीएसपी शैलेन्द्र थापाले रातोपाटीलाई बताए ।
सशस्त्रले नोट बनाउन प्रयोग गरिने २ सय थान कागज बरामद गरेको छ । उनीहरूलाई थप अनुसन्धान र कारबाहीका लागी प्रहरी वृत्त बालाजुमा बुझाइएको डिएसपी थापाले जानकारी दिए ।
