ABC (क्राईमबिट)
अर्घाखाँची । जिल्ला प्रहरी कार्यालय अर्घाखाँचीका प्रहरी प्रमुख प्रहरी नायव उपरीक्षक डिएसपी मुकुन्द प्रसाद रिजालको उपस्थितिमा मातहतका युनिट ईन्चार्जहरु सँग नियमित मिटिङ (बैठक) अन्तर्गत कार्यालयका समस्या तथा भए गरेका काम कारवाहीको प्रगती विवरण लगायत आ-आफ्नो इलाकामा हुन सक्ने आपराधिक गतिविधीलाई समयमै रोकथाम तथा नियन्त्रण गर्न प्रभावकारी प्रहरी परिचालन गरी समाजमा शान्ती सुरक्षाको भरपर्दो व्यवस्था मिलाउने लगायत निम्न विषयवस्तुहरु माथी निर्देशन दिनु भएको ।
निम्न
१) सेवाग्राहीसँग शिष्ट तथा सभ्य रुपमा प्रस्तुत भई समस्याहरुको तत्कालै Response गरी कानून बमोजिम गर्ने तथा संगठनको नीति अनुरुप प्रहरीको आचरण/व्यवहार हुनुपर्ने ।
२) वर्षातको समयमा विपदजन्य घट्ना ( पहिरो, बाढी) घट्न सक्ने भएको हुनाले समयजमै सूचना संकलन गरी तत्काल स्थानिय तहसंग समन्वय र सहकार्य गरी खोजतलास तथा उद्धारमा खटिने ।
३) आ-आफ्नो इलाकामा हुन सक्ने गाँजा खेतीको बारेमा सुचना संकलन गरी गाँजा फडानी अभियान सञ्चालन गरी भए गरेका गतिविधीहरुको जाहेरी पठाउने ।
४) आर्थिक प्रलोभनबाट प्रभावित नभई “शुन्य शहनशिलताको सिद्धान्त” कार्यान्वयन गर्ने ।
५) सामाजिक विकृति तथा अपराधहरुलाई रोकथाम तथा नियन्त्रण गर्नको लागि समुदाय प्रहरी साझेदारी कार्यक्रम प्रभावकारी रुपमा लक्षित वर्ग, समुदाय सम्म लैजाने ।
६) ट्राफिक प्रहरीले चेकिङको दौरानमा सवारी साधनको नम्बर प्लेट, कागज पत्र दुरुस्त छ छैन भनि चेकिङ गर्नुका साथै क्षमता भन्दा बढी यात्रु बोक्ने, तिव्र गति, मादक पदार्थ सेवन गरी सवारी साधन चलाउने र कानून विपरितका कार्यहरु गर्ने सवारी साधनलाई तुरुन्त कारवाहीको दायरामा ल्याउने ।
