ABC (क्राईमबिट)
सर्लाही । बोर्डर आउट पोस्ट (बिओपी) संग्रामपुरले शनिबार राती पर्सा गाउँ पालिका-६ स्थित सिमा इलाकामा भारत बाट नेपाल तर्फ आउंदै गरेका ब्यक्तिलाइ हतियार सहित नियन्त्रणमा लिएको हो ।
नियन्त्रणमा लिइएकाहरु सर्लाहीको हरिपुर्वा नगरपालिका-६ बस्ने प्रकाश यादब र जीवन राय यादब रहेका छन् ।
भारततर्फ बाट आउंदै गरेको बिआर १९ जिए ४१४१ नम्बरको मोटरसाइकललाई चेक गर्ने क्रममा उनिहरुको साथबाट ७.६५ मिमि पेस्तोल एक थान, म्यागजिन १ थान र सोको गोलि १५ राउण्ड तथा कटुवा पेस्तोल १ थान र ५ राउण्ड गोलि समेत बरामद भएको छ ।
उनिहरुको साथबाट बरामद भएको नगद ११ हजार ६८०, भारतिय बैंकको एटीएम कार्ड तथा मोटरसाइकल सहित आबश्यक कारबाहिको लागि रातिनै जिल्ला प्रहरी कार्यालय सर्लाहीमा बुझाइएको सशस्त्र प्रहरीले जनाएको छ ।
