(ABC-Sanchar)
काठमाडौं । त्रिभुवन अन्तर्राष्ट्रिय विमानस्थलमा ब्यागेज ट्रली बिग्रेकाले दुर्घटना हुन सक्ने गुनासो यात्रुहरूबाट भएपछि नयाँ ट्रली खरिद गरिएको छ ।
अधिकांश ट्रली ब्रेक नलाग्ने यसका कारण पटकपटक दुर्घटना हुने गरेको गुनासोलाई सम्बोधन गर्दै नयाँ ट्रली खरिद गरिएको हो ।
कार्यालयले अन्तर्राष्ट्रिय आगमनतर्फ हाल खरिद गरिएका पाँच सय नयाँ ब्यागेज ट्रली सञ्चालनमा ल्याएको छ । यसको सञ्चालनसँगै विगतमा यात्रुहरूले ट्रलीबारे गर्ने गरेको गुनासोको सम्बोधन हुनेछ ।
पुराना ट्रलीको लागि मर्मत पार्ट्स समेत दुई हप्तामा आइपुगे विमानस्थल प्रमुख प्रताप तिवारीले जनाएका छन् । साथै आगमनतर्फको आईएमएसद्वारा सञ्चालित ट्रलीलाई समेत छिटो मर्मत गराउन निर्देशन दिएको संस्कृति पर्यटन तथा नागरिक उड्डयन मन्त्री सुदन किरातीले बताएका छन्।
