(सागर थापा)
काठमाडौं । तीज हिन्दु नारीहरूले मनाउने एउटा महत्त्वपूर्ण चाड मध्येको एक हो ।
यो चाड भाद्र शुक्ल द्वितीया देखि पञ्चमी सम्म ४ दिन मनाइन्छ । तीजमा भगवान् शिवको आराधना गरिनुका साथै नाचगान मनोरञ्जन समेत गर्ने गरिन्छ । तीज पर्व नजिकिएसँगै दिदी बहिनीहरूले देशविदेशमा कार्यक्रमको आयोजना गर्न सुरु गरिसकेका छन् ।
यसैबिच प्रवासी नेपाली मन्च अमेरिकाको आयोजनामा न्युयोर्कको ज्याक्सन हाईट, डाईभर्सिटी प्रालाजामा आयोजित तिज कार्यक्रममा करिव १५० जना जति न्युयोर्क निवासी महिला दिदीबहिनीहरुको भेला भई हर्सोउल्लासका साथ नाच गान गरी नेपाली परम्परागत तिज पर्व मनाएका छन ।
कार्यक्रममा प्रवासी नेपाली मन्च, अन्तर्राष्ट्रिय कमिटी अध्यक्ष सन्जय थापा, अन्तर्राष्ट्रिय कमिटी सदस्य तथा महिला विभाग प्रमुख कुन्ती थापा, राष्ट्रिय युवा संघ, नेपालको केन्द्रिय सदस्य शोभा पाठक लगायत राष्ट्रिय कमिटी अमेरिकाको अध्यक्ष लगाएत कृष्ण लामिछाने लगाएत राष्ट्रिय कमिटी पद्धाधिकारी तथा सदस्यहरुको उपस्थिति रहेको अमेरिका बाट शोभा पाठकले जानकारी दिनुभएको छ ।