ABC (क्राईमबिट)
बारा । विशेष सूचनाको आधारमा जिल्ला पर्सा जिराभवानी गाउँपालिका वडा नं.१ गम्हरिया स्थित सडकखण्डमा लागु औषध नियन्त्रण व्यूरो शाखा कार्यालय वीरगञ्ज तथा जिल्ला प्रहरी कार्यालय पर्साबाट खटिएको संयुक्त टोलीले सुवर्णपुरबाट वीरगञ्जतर्फ आउदै गरेका ना.६१ प ९७०० नम्बरको निलो साईन मोटरसाईकललाई रोकी कानूनी रीतपुर्याई खानतलासी गर्दा जिल्ला पर्सा ठोरी गाउँपालिका वडा नं.४ विजयबस्ती बस्ने वर्ष ३४ को क्षेत्र बहादुर श्रेष्ठले मोटरसाईकलको पछाडी सिटमा एउटा सेतो बोराभित्र टेपले र्यापिङ गरी प्रति प्याकेट ५०० ग्रामका दरले ६४ प्याकेटमा जम्मा ३२ के.जी.लागु औषध चरेश फेला परेको हुँदा ना.६१ प ९७०० नम्बरको मोटर साईकल लागु औषध सहित निज क्षेत्र बहादुर श्रेष्ठलाई नियन्त्रणमा लिइ जिल्ला प्रहरी कार्यालयमा ल्याइ लागु औषध सम्बन्धी कसूरमा थप अनुसन्धान कार्य भैरहेको जिल्ला प्रहरी कार्यालय पर्साका प्रव्क्ता एवम् सुचना अधिकारी कुमार बिक्रम थापा ले जानकारी गराउनु भएको छ।
