ABC (क्राईमबिट)
दाङ । घोराही उपमहानगरपालिका १० की ३२ बर्षीया मिना चौधरी पक्राउ परेकी हुन । प्रहरीले मिनालाई बुधबार दिउँसो पक्राउ गरेको हो ।
मिनाले लेनदेनको बिषयलाई लिएर १८ पुष्पाञ्जली टोलका बिराज चौधरीको रा २ प १५९३ नम्बरको मोटरसाइकलमा आगजनी गरेको प्रहरीले बताएको छ ।
जिल्ला प्रहरी प्रबक्ता डिएसपी जनकबहादुर मल्लले मोटरसाइकल जलेर पूर्ण रुपमा नष्ट भएको जानकारी दिए ।
लेनदेनको बिषयलाई लिएर मिनाले बिराजको मोटरसाइकल जलाएको भन्ने खबर स्थानीले दिएको प्रहरी बताउँछ ।
स्थानीय र दमकलको सहयोगमा आगो नियन्त्रणमा लिइएको थियो ।
प्रहरीले घटनाबारे आवश्यक अनुसन्धान भइ रहेको बताएको छ ।
