(ABC-Sanchar)
काठमाडौं । नेकपा एमालेका अध्यक्ष केपी शर्मा ओलीले रिगललाई माफी दिएपछि चेतन मानन्धरकी श्रीमतीको पीडा सुनेर खपी नसक्नु भएको बताएका छन् । रिगल मानन्धरको हत्यामा दोषी ठहर भई जेल सजाय भोगिररहेका बेला मन्त्रिपरिषद्को सिफारिसमा राष्ट्रपतिबाट सजाय मिनाह भएपछि जेलमुक्त भएका थिए ।
आफ्ना श्रीमान् चेतनको हत्या गर्ने दोषीलाई राष्ट्रपतिले माफी दिएपछि भारतीले सर्वोच्च अदालतमा रिटसमेत दायर गरेकी छिन् । उनले पत्रकार सम्मेलन गरी आफ्नो पीडा सुनाएकी थिइन् । एमाले अध्यक्ष ओलीले भारतीले सुनाएको पीडाले आफूलाई खपी नसक्नु भएको र आँसु आएको बताएका छन् ।
उनले फेसबुकमा लेखेका छन्, ‘भारती बहिनी ! सामाजिक सञ्जालभरि देखेँ– तपाईंको पीडा खपिनसक्नु छ । यो देखेर मेरा पनि आँसु आए । तपाईंले मनोबल उच्च बनाउनुपर्छ । राज्यले नागरिकको संरक्षण गर्नुपर्छ, अपराधीको होइन– आज मैले संसदमा पनि आवाज उठाएको छु । तपाईंको पछाडि म उभिएको छु, सिङ्गो देश उभिएको छ । तपाईंले न्याय पाउनुपर्छ ।’
