(ABC-Sanchar)
रुपन्देही । नगरपालिकाले शकरपुरदेखि तिलोत्तमा नगरपालिकाको कार्यालयसम्म जाने आउने सेवाग्राहीहरूका लागि निःशुल्क अटो सञ्चालनमा ल्याएको हो ।
तिलोत्तमा नगरपालिका मेयर रामकृष्ण खाँण र उपमेयर जागेश्वदेवी चौधरीले महिला चालक इन्द्रकला श्रेष्ठलाई साँचो हस्तान्तरण गरेर निःशुल्क अटोरिक्साको शुभारम्भ गरेका छन् ।
भौतिक र मानवीय विकासमात्रै नभई नगरवासीलाई सेवा दिन निःशुल्क अटोरिक्सा सञ्चालन गरिएको नगरपालिकाले जनाएको छ ।
नगरपालिकाको कार्यालय मुख्य सडकदेखि करिब १ किलोमिटर भित्र भएकाले सेवा लिन आउँदा धेरै दुःख भएकाले अटोरिक्सा सञ्चालन गरिएको नपाले जनाएको छ । नपाले निःशुल्क अटोरिक्साको चालकमा महिला छन् ।
तत्काललाई एउटा मात्रै अटोरिक्सा सञ्चालनमा ल्याइएको र पछि आवश्यकताअनुसार बढाउँदै लगिने बताइएको छ ।
