(राजन थारू)
धनगढी । कैलालीको गोदावरी नगरपालिका १ का सागर भट्टले बजारबाट किनेर लगेको चामलमा प्लाष्टिक जस्तै तन्किने तथा जल्ने चामल भेटिएको गुनासो गरेका हुन् ।
घरमा सोह्र श्राद्धका लागि बजारबाट किनेर लगेको ग्रेडिङ चामलमा प्लाष्टिक जस्तै भेटिएको उनले बताए। भात पकाउनका लागि चामल धुने क्रममा चामलको आकार फरक र मोटो देखिएपछि शंका लागेर आगोमा पोल्दा उक्त चामल प्लाष्टिकझै जलेको भट्टले बताए। स्थानिय लवराज भट्टले पानिले धुदाँ चामल माथि उत्रिएपछि शंका लागेको र चेकजाँचका लागि शंका सबै चामलहरु आगोमा पोल्दा प्लाष्टिकझै डल्लो भएको बताए ।
एक कट्टा चामलमा आधा केजी जती तन्किने चामल भेटिएको उनले बताए । यस्तो चामल उत्पादनमा कम्पनिको लापरबाही देखीएको बताउँदै उपभोक्ताको स्वास्थ्यमा नराम्रो असर परेको बताए।
