ABC (क्राईमबिट)
दाङ । सवारी ज्यान मुद्धामा प्रहरी हिरासतमा रहेका नेकपा क्रान्तिकारी कम्युनिष्ट पार्टीका प्रवक्ता धर्मेन्द्र बाँस्तोला धरौटि तिरेर रिहा भएका छन । दाङ जिल्ला अदालतले आज थुनछेक बहसमा बास्तोलालाई धरौटिमा छोड्न आदेश दिएको जिल्ला प्रहरी कार्यालय दाङका प्रहरी प्रमुख रामबहादुर केसिले जानकारी दिए । अदालतकि जिल्ला न्यायधिश ताराकुमारी शर्माको एकल इजलाशले बास्तोलालाई ७० हजार धरौटि खोली रिहा गर्न आदेश दिएको हो । एसपी केसिका अनुसार धरौटि टागेर बास्तोला आज नै छुटि सकेका छन ।
वास्तोलाले जिल्ला प्रशासन कार्यालय दाङमार्फत बुझाउने क्षतिपुर्ति वाफतको ५ लाख रुपैँया गाडिको बुलुबुक नबिकरण फेल भएका कारण समयमै नबुझाएकाले पनि बास्तोलाको हिरासत बसाई केही लम्बिएको थियो ।
गत कात्तिक २ गतेदेखि बाँस्तोला प्रहरी नियन्त्रणमा छन्। दसैं बिदाका कारण बाँस्तोला विरुद्धको मुद्धाको फाइल १३ दिनपछि प्रहरीले सरकारी वकिल कार्यालयमा बुझाएको हो ।
नेता बाँस्तोलाले चलाएको गाडीले रा ६ प ५७३८ नम्बरको मोटरसाइकललाई ठक्कर दिएको थियो।
पूर्वपश्चिम राजमार्गअन्तर्गत दाङको राप्ती गाउँपालिका वडा नम्बर ५ सिङ्गे नजिकै बाँस्तोलाले चलाएको बा ९ च ७१९८ नम्बरको गाडीले मोटरसाइकललाई ठक्कर दिँदा दाङको राप्ती गाउँपालिका वडा नम्बर ५ का २९ वर्षीय बसन्तराम चौधरीको मृत्यु भएको थियो।
बाँस्तोला त्यसबेला सुर्खेतको पञ्चपुरी नगरपालिका वडा नम्बर ९ तर्फ जाँदै थिए।
