०९ जेठ २०८१, बुधबार
22-05-2024 , Wed
×

भूकम्पबारे गलत सूचना र सन्देश प्रवाह नगर्न प्रेस काउन्सिलको सञ्चारमाध्यम हरुलाई आग्रह

Logo
प्रकाशित आइतबार, कार्तिक १९, २०८०

 

(ABC-Sanchar)

काठमाडौं । युट्युब लगायतका सामाजिक सञ्जाल र केही अनलाइन सञ्चार माध्यमबाट जाजरकोट केन्द्रबिन्दु भई गएको भूकम्पका बीभत्स दृश्य तथा तस्बिरसहित तथ्यगत पुष्टिबेगर सन्देश प्रवाह भएको पाइएपछि काउन्सिलले सो आग्रह गरेको हो ।

काउन्सिलका सह-प्रशासकीय अधिकृत रामशरण बोहराद्वारा जारी विज्ञप्तिमा ‘को पहिला हुने’ होडबाजीमा आधिकारिक तथ्य पुष्टिबेगर मानवीय संवेदनामा खलल पुग्ने र विपत्ति वा शोकमा परेका व्यक्ति वा आफन्तजनमा थप पीडा पुग्नेगरी, मृतक तथा घाइतेको बीभत्स दृश्य र तस्बिर सम्प्रेषण नगर्न, नगराउन भनिएको छ ।

‘मृतक एवम् घाइतेको विवरण प्रस्तुत गर्दा संवेदनशील भई गोपनीयताको सम्मान गर्न आम सञ्चार माध्यम, पत्रकार, सञ्चारकर्मी, युट्युबलगायतका सामाजिक सञ्जाल र यसका प्रयोगकर्तामा प्रेस काउन्सिल नेपाल हार्दिक आग्रह गर्दछ’ विज्ञप्तिमा भनिएको छ । शुक्रबार राति ११ः४७ बजे जाजरकोट रामीडाँडा आसपास केन्द्रबिन्दु बनाएर गएको ६ दशमलव ४ म्यागनिच्युडको भूकम्पबाट भएको मानवीय र भौतिक क्षतिप्रति काउन्सिलले दुःख व्यक्त गरेको छ ।

कमेन्ट गर्नुहोस्
सम्बन्धित

  (ABC-Sanchar) काठमाडौं । नेपाल सरकारले टिकटकलाई प्रतिबन्ध लगाएपछि औपचारिक रूपमै दर्ता हुन टिकटकले इमेल गरेको हो । सरकारले सरकारले सामाजिक सञ्जालको प्रयोगलाई नियमन गर्ने निर्देशिका २०८० जारी गरेपछि नेपालमा दर्ता प्रक्रियामा अनुसार टिकटकले इमेल गरेको सञ्‍चार तथा सूचना प्रविधि मन्त्रालयले जनाएको छ । हाल टिकटक बन्दको विरुद्धमा अदालतमा मुद्दा विचाराधीन रहेको छ ।

  ABC (क्राईमबिट) दाङ । घोराही उपमहानगरपालिका वडा नं. १४ ढोडेनी टोल स्थित वडा प्रहरी कार्यालय घोराही दाङबाट प्रहरी नायब निरीक्षक तुल बहादुर वि क को कमाण्ड प्रहरी टोली खटिई ऐ ऐ १४ ढेडेनीटोलका स्थानीय व्यक्तिहरुलाई आत्महत्याको परिचय, आत्महत्याको कारण, न्यूनिकरणका उपायहरु, आत्महत्या दुरुत्साहन सम्बन्धी कसुरमा भएको कानूनी व्यवस्था लगायत विषयमा सचेतनामूलक जानकारी दिनु भएको […]

  (ABC-Sanchar) काठमाडौं । पत्रकार आचारसंहिता विपरित प्रस्तुत भएको भन्दै प्रेस काउन्सिलले एक टेलिभिजन पत्रकारलाई सोमबार सोधपुछ एक सरकारी कार्यालयमा रिपोटिङ गर्ने क्रममा स्पेस फोके टिभीका पत्रकार कपिल शाहीले कर्मचारीलाई थर्काउने र अशिष्ट व्यवहार गरेका थिए । उक्त भिडियो सामाजिक सञ्जालमा भाइरल बनेको थियो । रेल विभागका कर्मचारीमाथि जबर्जस्ती गरिएको उक्त भिडियोले पत्रकारिताको बेइज्जत भएको […]