(महेन्द्र सिंह)
बाँके । नेपालगंज उप-महानगरपालिकाको नेतृत्व र स्थानिय प्रशासनको समन्वय एवं सहकार्यमा ई-रिक्सा ब्यवस्थापनको कार्य आज बाट भएको छ ।
रातो नम्वर प्लेट ( निजि ) को ई-रिक्सालाई कालो प्लेट ( भांडा ) को रिक्सामा परिवर्तन गर्न प्रोत्साहित गर्ने ।
आफू खुशी रातोलाई कालो प्लेट बनाएकाहरुलाई पनि कानून बमोजिमको प्रकृया पूरा गरि कालो प्लेटमा रुपान्तरण गर्न प्रोत्साहित गर्ने हो । अहिले सम्मको चेकिङबाट १३२ थान ई-रिक्सा नियन्त्रणमा लिइएको छ ।
यात्रु बोक्ने रातो नम्बर प्लेटका इ-रिक्सा विरुद्ध कठोर बनेका छ नेपालगन्ज उपमहानगरपालिका । नीति-नियम र प्रक्रिया विपरीत गुडिरहेका रातो नम्बर प्लेटका ९३ वटा यात्रुबहाक इ-रिक्सालाई जिल्ला प्रशासन कार्यालय बाँके र ३९ वटा इ-रिक्सालाई नेपाल प्रहरी विधि विज्ञान प्रयोगशालामा ‘होल्ड’ गरेर राखिएको छ । यातायात कार्यालयबाट कालो नम्बर प्लेट नबनाउँदासम्म ती इ-रिक्सालाई गुड्न दिइने छैन । मेयर प्रशान्त बिष्टले जानकारी दिनुभएको छ ।
