हिरासतमा एक जनाको मृत्यु

(एबिसि संचार )

धनुषाको हिरासतमा एक जनाको मृत्यु भएको छ । जिल्लाको हंसपुर नगरपालिकास्थित ईलाका प्रहरी कार्यालयको हिरासतमा गएराति एक जनाको मृत्यु भएको हो ।

उक्त हिरासतमा स्थानीय दीपनारायण मण्डलको मृत्यु भएको छ । प्रहरीले कुटपिट गर्दा मृत्यु भएको स्थानीयको आरोप छ ।
मण्डलको मृत्युलाई लिएर आज (शुक्रबार) बिहानैदेखि स्थानीय प्रदर्शनमा उत्रिएका छन् ।प्रदर्शनकारीले ईलाका प्रहरी कार्यालयमा ढुंगामुढासमेत गरेका छन् । स्थिति नियन्त्रण बाहिर गएपछि नियन्त्रणमा लिन प्रहरीले गोली चलाएको छ ।प्रहरीले चलाएको गोली लागेर एक जना घाइते भएका छन् । यस घटनाबारे विस्तृत विवरण भने आएको छैन ।