सुर्खेतमा उपप्रधान तथा गृहमन्त्री श्रेष्ठ तथा भौतिक मन्त्री ज्वालाको पुत्ला दहन

(बिकाश बिसि  )                                                                सुर्खेतमा उपप्रधान तथा गृहमन्त्री नारायणकाजी श्रेष्ठ र भौतिक पूर्वाधार विकास मन्त्री प्रकाश ज्वालाको पुत्ला दहन गरिएको छ । ललितपुरको बालकुमारीमा भएको घटनाको विरोधमा  दिउँसो जिल्ला प्रशासन कार्यालय अगाडि ‘युवा समूहले मन्त्री श्रेष्ठ र ज्वालाको पुत्ला जलाएको हो । बालकुमारीमा भएको आन्दोलनका क्रममा दैलेखका २१ वर्षीय सुजन रावत र अछामका वीरेन्द्र शाहको मृत्यु भएको घटनालाई लिएर शनिबारदेखि वीरेन्द्रनगरमा लगातार आन्दोलन भइरहेको छ । त्यस्तै पीडित परिवारलाई उचित शिक्षा, स्वास्थ्य, लालनपालनको सम्पूर्ण ग्यारेन्टी राज्यले गर्नुपर्ने पनि युवाहरूको माग छ ।