दक्षिण अफ्रिकामा जारी आईसीसी यू–१९ विश्वकपमा न्युजिल्यान्डले अफगानिस्तानमाथि १ विकेटको रोमाञ्चक जीत हात पारेको छ ! लगातार दोस्रो जीतसँगै न्युजिल्यान्ड सुपर सिक्समा पुग्ने पहिलो टोली बनेको छ । पहिलो खेलमा न्युजिल्यान्डले नेपाललाई हराएको थियो । यद्यपि, न्युजिल्यान्डको यो जीतले नेपाललाई फाइदा पुग्ने भएको छ । नेपालले बुधवार पाकिस्तान र शुक्रवार अफगानिस्तानसँग खेल्नेछ ।नेपाल सुपर सिक्समा पुग्न अब अन्तिम खेलमा अफगानिस्तानलाई हराए पर्याप्त हुने छ ।न्युजिल्यान्डसँग अफगानिस्तान पराजित भएपछि नेपालले अन्तिम खेलमा मात्र जीत हात पारे सुपर सिक्समा पुग्ने समीकरण तयार भएको हो ।
