काठमाडौँको दुई स्थानमा लाखौँ रुपैयाँ बराबरको धनमाल चोरी

(एबिसि संचार )                                                                काठमाडौँको दुई स्थानमा लाखौँ रुपैयाँ बराबरको धनमाल चोरी भएको छ । टोखा नगरपालिका-७ धापासी डेरा गरी बस्ने गुल्मी इस्मा गाउँपालिका-१ घर भएका कृष्ण घिमिरेको कोठामा चोरी भएको हो । शुक्रबार दिउँसो नगद तथा सुनका विभिन्न गरगहना समेत गरी करिब ३ लाख १० हजार रुपैयाँ बराबरको धनमाल चोरी भएको प्रहरीको भनाई छ ।  यसैगरी काठमाडौँ महानगरपालिका-१४ कुलेश्वरस्थित बारा गढीमाई नगरपालिका-२ घर भई हाल काठमाडौँ चन्द्रागिरि नगरपालिका-१५ तिनथाना बस्ने ४७ वर्षीय मनोज कुमार गुप्ताको अमन खाद्य स्टोरको सटरको ताला फोडेर नगद करिब २० लाख रुपैयाँ गएराति चोरी भएको छ । उता झापाको झापा गाउँपालिका-१ रसुगंज बस्ने प्रभु नारायण यादवको घरमा कोही पनि नभएको अवस्थामा ५ तोला सुनका गरगहना र ४५ तोला चाँदीका गरगहना शनिबार बिहान चोरी भएको छ ।