(एबिसि संचार )
पर्सामा अवैध लागु औषध चरेससहित २ जना पक्राउ परेका छन् । वीरगन्ज महानगरपालिका–८ घण्टाघरस्थित नारायणी गेस्ट हाउसबाट १२ किलो २ सय ४० ग्राम चरेससहित भारत विमान थाना जमुवजारी ग्राम डुमरा बस्ने २२ वर्षीय आरिफ रजासहित अर्का १ जनालाई प्रहरीले पक्राउ गरेको छ ।
विशेष सूचनाको आधारमा खटिएको प्रहरीले गेस्ट हाउस तलासी गर्दा चरेस फेला पारी दुवै जनालाई पक्राउ गरेको हो । यस सम्बन्धमा प्रहरीले आवश्यक अनुसन्धान गरिरहेको छ ।