(एबिसि संचार ) ललितपुरको ढोलाहिटीमा होली खेल्ने क्रममा ग्याङ फाइट हुँदा दुई जनाको मृत्यु भएको छ । आइतबार राति ढोलाहिटीमा दुई समूहबीच झडप हुँदा सुनसरी घर भई धोलाहिटी बस्ने दुई जनाको मृत्यु भएको हो प्रहरीले जनाएको छ ।जिल्ला प्रहरी परिसर, ललितपुरका प्रवक्ता एसपी नरेशराज सुवेदीका अनुसार मृत्यु हुनेमा सुनसरी घर भई ढोलाहिटी बस्ने २८ वर्षीय रोबर्ट राई र ३० वर्षीय पुजन राई रहेका छन् । पूजनको शव सुमेरु अस्पताल र रोबर्टको पाटनमा राखिएको छ ।ग्याङ फाइटपछि दुई जनाको मृत्यु भइसकेपछि मात्र खबर पाएको प्रहरीले जनाएको छ ।घटनाबारे थप अनुसन्धान सुरु गरिएको प्रहरीले जनाएको छ ।
