बिदुर एम सी,
२३ चैत्र,भालुवाङ । दाङको देउखुरी उपत्यका अन्तरगत राप्ती गाउँपालिका-१ भालुवाङस्थित होटल पाैवाले ८ औं स्थापना दिवसका अवसर पारेर मधुमेह, मृगौला र उच्च रक्तचापको नि :शुल्क रूपमा स्वास्थ्य शिविरको आयोजना गरेको छ ।
देशभरका १२ वटा शाखा स्थापना गरिसकेको वर्तमान परिप्रेक्षमा चैत २५ गते आइतबारका दिन विभित्र कार्यक्रम गरिने आयोजक पौवाले जनाएको छ । त्यसै शिलशिलामा भालुवाङ शाखाले बुटवलस्थित केन डाइबेटिज एण्ड थाइराइड सेन्टरको प्राविधिक सहयोगमा नि :शुल्क स्वास्थ्य जाँच गर्न लागेको शुक्रबार होटल पाैवामा आयोजित पत्रकार भेटघाट कार्यक्रम मार्फत सो विषयमा भालुवाङ शाखाका प्रमुख श्याम न्याैपानेले जानकारी दिएका छन् ।
आम नागरिकहरूको स्वास्थ्य अवस्थालाई मध्यनजर गरेर हाेटल
पाैवाले प्रदेश राजधानी केन्द्र पर्ने भालुवाङमा पहिलो पटक नि :शुल्क स्वास्थ्य सेवा दिन लागेको छ । बढ्दो सुखसयलकाे जीवनशैलीका कारण मानिसहरूमा उत्पन्न मधुमेह, मृगौला र उच्च रक्तचाँपको जांचगरि परामर्श दिन थालेको शाखा प्रमुख न्याैपानेले बताएका छन् । आइतबार विहान ७ बजे देखि ११ सम्म शिविर सञ्चालन हुने र सवैलाई सेवा लिन शाखा प्रमुख न्याैपानेले आग्रह गरेका छन् ।
नेपालका लागि नेपाली हस्पिटालिटी सहितको सेवा दिने गरी स्थापना भएको होटल पौवा नेपाली होटल तथा रेष्टुरेण्ट क्षेत्रमा नौलो प्रस्तुतिका रुपमा उदाएको छ । नेपालीपन, नेपाली सेवा र नेपाली परिकारले परिचित पौवाको नेपाली हस्पिटालिटीलाई पहिलो प्राथमिकतामा राखेर नेपाली चाडपर्व, जनजातकिा रैथाने स्वाद र संस्कृतिलाई ब्राण्डिङ गर्दै सेवा अभियानलाई निरन्तर अगाडि बढाइएको छ ।
देशका विभिन्न १२ स्थानहरुबाट सेवा दिँदै आएको पौवाले १३ औ शाखाका रुपमा बाँकेको नेपालगन्जमा सेवा विस्तार गर्ने योजना समेत बनाएको छ । देशभर रहेका पौवाका १२ वटा शाखामा करिब ४ सय ५० जना युवाहरुलाई हस्पिटालिटी सेवामा रोजगार दिएको छ ।
स्थापनाको ८ औं वर्षमा लुम्बिनी प्रदेशका प्रायः सबै पर्यटकीय स्थलमा आफ्नो पहुँच पुगेको पाैवाले जानकारी दिएको छ । भैरहवाको होटल पौवा सञ्चालनमा रहेको छ । दाङको भालुवाङ, लमही र घोराही, बुटवलको योगीकुटी, कपिलवस्तुको गोरुसिङ्गे, पाल्पाको तानसेन, गुल्मीको रेसुङ्गा, पर्यटकीय राजधानी गण्डकी प्रदेशको राजधानी पोखरा, बागमती प्रदेशको काठमाडौंको गौशालामा संचालनमा रहेको छ । त्यसैगरी सुदुरपश्चिमको धनगढीमा पनि संचालन भइरहेको छ । कर्णाली प्रदेशको जुम्लामा पौवाले सेवा सुरु गरिरहेको छ।