उपचारका क्रममा भारत गएको अवस्थामा एबिसी सञ्चार डटकम अनलाइनका प्रमुख सागर थापाको मोबाइल चोरी हुँदा फेसबूक आइडी ह्याक भएको छ ।
पत्रकार एवम् प्रमुख थापाले आइतबार अपरान्ह आफ्नो मोबाइलसितै चोरी भएको ९८४७८ ४५९१८ बाट फोन गरेर सो कुराको जानकारी गराएका हुन् । मोबाइल चोरी हुँदा फेसबूक आइडी ह्याक गरेर विभिन्न व्यक्ति विशेषहरुसित नचाहिँदा हरकत गर्ने, रकम असूली गर्ने गरेकोप्रति गम्भीर आपत्ति प्रकट गरेका छन् ।
पत्रकार थापाले आफू शनिबार स्वदेश आएको लगत्तै आइतबार अपरान्ह हामीलाई सूचना गर्दै त्यसबाट सबैलाई सचेत रहन आग्रह गर्नुका साथै तुरुन्तै काठमाडौं गएर साइबर ब्युरोमा निवेदन जाहेर गर्ने बताएका छन् । मोबाइलका साथमा सिम चोरी भएको हुनाले आफू त्यसरी सम्पूर्ण च्यानलबाट सम्पर्कविहीन हुनुपरेको सागर थापाले दुखेसो मात्रै व्यक्त गरेनन् । त्यसबाट पर्न गएको अस्वाभाविक समस्याप्रति आफूलाई निकै दु:ख लागेको पनि जनाएका छन् ।