ABC (क्राईमबिट)
पोखरा । गण्डकी प्रदेश प्रहरी प्रमुख प्रहरी नायव महानिरीक्षक दुर्गा सिंहले आज नेपाल प्रहरी प्रदेश कार्यालय पोखरा, गण्डकी प्रदेश प्रहरी गण पोखरा, गण्डकी प्रदेश प्रहरी अस्पताल पोखरा र गण्डकी प्रदेश प्रहरी कार्यालय अन्तर्गत रहेको केनाईन शाखा समेतको अनुगमन तथा निरीक्षण गर्नुभएको छ ।
निरीक्षणको क्रममा प्रहरी नायब महानिरीक्षक सिंहले सम्पूर्ण कार्यालयहरुको भौतिक संरचना, सम्पुर्ण शाखाहरु, व्यारेक, मेस, क्यान्टिन लगायतको निरीक्षण गर्नुभई गण्डकी प्रदेश प्रहरी गण पोखरामा रहेको रेस्क्यू तथा उद्धार सम्बन्धि अभ्यास, भिड नियन्त्रण अभ्यास, Resist Device को प्रयोग विधी सम्बन्धि डेमोहरुको अवलोकन साथै नेपाल प्रहरीको अपराध अनुसन्धानको सारथीको रुपमा रहेका तालिम प्राप्त कुकुरहरु लगायतको निरीक्षण गर्नुभएको थियो ।
अनुगमन निरिक्षणकै क्रममा प्रहरी नायव महानिरीक्षक सिंहले कार्यालयमा कार्यरत सम्पुर्ण प्रहरी कर्मचारीहरुलाई व्यवसायीक, अनुशासन एंव कर्तव्यनिष्ठ भई उच्च मनोवलका साथ कार्य सम्पादन गर्न गराउनु हुन आवश्यक निर्देशन समेत दिनुभएको थियो ।
