(ABC-Sanchar)
सिन्धुली । फिक्कल गाउँपालिका-६ मा रहेको रत्नावती प्रहरी चौकीका इन्चार्ज असई रविन्द्र ठाकुरको मोटरसाइकल दुर्घटनामा परी मृत्यु भएको छ ।
आइतबार गस्ती गरेर चौकीतर्फ फर्कने क्रममा वडा नं. ५ को झगडेवेँसीस्थित भित्री सडकमा अनियन्त्रित भएर मोटरसाइकल दुर्घटना हुँदा गम्भीर घाइते भएका उनको खुर्कोटस्थित सुनकोशी सामुदायिक अस्पतालमा उपचारका क्रममा मृत्यु भएको हो ।
अस्पतालका चिकित्सकहरुले केहीबेर अघि असई ठाकुरको मृत्यु भएको घोषणा गरेका छन् । दुर्घटनामा परी मोटरसाइकलमा सवार तनहुँ भिमाद नगरपालिका-७ का प्रहरी सहायक हवल्दार सुर्यकुमार श्रेष्ठ घाइते भएका थिए । उनको सोही अस्पतालमा उपचार भइरहेको छ ।
