(रोशन निधि)
जनकपुर । मधेस प्रदेस सरकारको २०८१/८२ को नीति तथा कार्यक्रम प्रदेश सभाको बैठकमा प्रस्तुत भएको छ ।
संविधानको धारा १८४ को उपधारा २ बमोजिम सरकारकाे तर्फबाट मधेस प्रदेश अध्यक्ष सुमित्रा सुवेदी भण्डारीले नीति तथा कार्यक्रम प्रस्तुत गरेकी हुन् ।
प्रस्तुत नीति तथा कार्यक्रममा कृषि, शिक्षा, स्वास्थ्य, रोजगार, खेलकुद, भौतिक पूर्वाधार, वन वातावरण, सुशासनलाई उच्च प्राथमिकतामा राखीएकाे छ । नीति तथा कार्यक्रममा मधेस प्रदेशकाे एक सय ३६ पालिका हरुलाई लक्षित गरी नमूना कृषि विकास समूह सहकारी वा कृषि साझेदारीमा एक पालिका एक कृषि उत्कृष्टता केन्द्र तयार गर्ने उल्लेख गरिएको छ ।
मधेस प्रदेशको प्रत्येक जिल्लाहरुमा नमूनाको रूपमा एक/एक वटा खुला शैक्षिक उद्यान तयार गर्ने, मधेस प्रदेशको तथ्याङ्कलाई भरपर्दो र विश्वासिलो बनाउन प्रदेश सरकारले आफ्नै डिजिटल तथ्याङ्क बैंक स्थापना गर्ने विषय नीति तथा कार्यक्रममा प्रस्तुत गरेको छ ।
पत्रकारिता क्षेत्रको विकास तथा पत्रकारहरूको क्षमता अभिवृद्धि को लगि वैदेशिक लगानी भित्र्याउनको लागि मधेस लगानी सम्मेलन गरिने पनि नीति तथा कार्यक्रममा प्रस्तुत गरिएको छ ।
