पर्सा । आदर्शनगरबाट मालसामान सहितको कन्टेनर बोकेर पावरहाउस चोकतर्फ जाँदै गरेको ना ४ ख ३७५९ नम्बरको ट्रकलाई सशस्त्र प्रहरीले आदर्शनगर चोकमै रोकेर चेकजाँच गर्दा राजश्व छलेको सामान बरामद भएको हो।
सशस्त्र प्रहरी नायब उपरीक्षक देवेन्द्र सिंहका अनुसार उक्त ट्रकमा रहेको कन्टेनरबाट २ सय ४० क्वीन्टल प्याज, ११ क्वीन्टल चिनी र ५३ थान नयाँ साइकल बरामद गरिएको छ।
बरामद सामानको मूल्यांकन गर्दा ५ लाख ८६ हजार ५ सय रुपैयाँ र ट्रकको मूल्य १५ लाख रुपैयाँ पुगेको सिंहले जानकारी दिए।
बरामद सामान र ट्रकलाई आवश्यक कारबाहीका लागि वीरगञ्ज भन्सार कार्यालयमा बुझाइएको छ।
