बाँके । नेपालगन्ज उपहानगरपालिका ४ वसपार्कस्थित कर्णाली होटलबाट १२ जना जुवाडेसहित खालबाट ८५ हजार ७९५ रुपैयाँ नगद समेत बरामद गरिएको जिल्ला प्रहरी कार्यालय बाँकेका प्रहरी प्रमुख एसपी तुल बहादुर कार्कीले जानकारी दिए ।
उनकाअनुसार होटेल संचालक मानबहादुर सिंजापतिलाई पनि प्रहरीले नियन्त्रणमा लिएको छ । प्रहरी सहायक निरीक्षक सुनिल शाहीको कमाण्डमा खटिएको प्रहरी टोलिले उनीहरुलाई नियन्त्रणमा लिएको हो ।
होटलमा जुवातास भइरहेको भन्ने सूचनाका आधारमा गएको प्रहरीको टोलिले होटलको माथिल्लो तलामा उनीहरु जुवा खेलिरहेको भेटेको हो । बाँकेमा तिहार पर्व नजिकिएसँगै जुवाडेहरु धमाधम पक्राउ परिरहेका छन् ।
