- सागर थापा
असोज ११, दाङ । जिल्ला प्रहरी कार्यालय दाङले नेपालीहरुको महान पर्वहरु दसैं,तिहार र छठ पर्वलाई मध्येनजरगर्दै जनहितमा २२ बुँदे अनुरोध जारी गरेको छ ।
जिल्ला प्रहरी कार्यालय दाङले सार्वजनिक बस सेवाको टिकटमा कृत्रिम अभाव नगर्न, बढि भाडा असुल्ने तथा ओभरलोड नगर्न, उमेर अनुसार बसमा व्यवहारगर्न, मापासे गरी सवारी नचलाउन, यात्रुहरु आफै पनि सजग हुन आग्रह गरेको छ ।
असोज ९ गते जारी जनहितमा यात्रा गर्दा जंगली क्षेत्रमा सवारी नरोक्न, प्रहरीको सहयोग लिन, आफ्नो अवस्था बारे सामाजिक संजालमा सार्वजनिक नगर्न, घरको झ्याल ढोका राम्रोसंग बन्दगर्न, होटलमा बास बस्दा सजगता अपनाउन, आर्थीक कारोबार गर्दा सुरक्षित तवरवाट गर्न, बजारमा कृत्रिम अभाव, कालो बजारी, मिसावट नगर्न व्यपारीक व्यापारीहरुलाई आग्रह समेत जिल्ला प्रहरी कार्यालय दाङले सार्वजनिक अपिल गरेको छ ।
प्रहरीले जारी गरेको अपिलमा चन्दा असुली, मादक पदार्थ सेवनगरी हुलहुज्ज्त नगर्न, लाउड स्पिकर बजाई ध्वनि प्रदुषण नगर्न, केही परे प्रहरी लाई खबर गर्न, जुवा तथा जुवा जन्य खेलहरु नखेलाउन, लागु औषध प्रयोग नगर्नहुन, आतिसबाजी नगर्न, महंगा गरगहनाहरु प्रदर्शन नगर्न, बैङ्किङ्ग कारोबारमा सुरक्षा, अपनाउन र कुनै घटना घटेमा वा घट्न सक्ने संभावना भएमा प्रहरी कन्ट्रोल १०० नम्बर वा ९८५७८९०१०१ मा फोन गर्न समेत सर्व साधारणहरुमा सार्वजनिक अपिल गरेको छ ।
