दाङमा तीन भरुवा बन्दुकसहित एकजना पक्राउ

दाङ । लमही नगरपालिका–३, वनगाउँ हरियाली टोल निवासी ४० वर्षीय गणेश कुमाललाई घरमा लुकाई राखेका हतियारसहित पक्राउ गरेको जिल्ला प्रहरी प्रवक्ता डीएसपी इश्वर थापाले बताए । उनका अनुसार घरमा अवैधरुपमा हतियार र खरखजना लुकाइ राखेको भन्ने सूचनाका आधारमा प्रहरीले खानतलासी गर्दा तीन थान भरुवा बन्दुक, दुई थान नाल, बारुद, गोली, छर्रा लगायतका सामान बरामद गरेको उनले जानकारी दिए ।उनीहरुलाई नियन्त्रणमा राखी थप अनुसन्धान गरिरहेको थापाले बताए ।