काठमाडौं । मेडिकल व्यवसायी दुर्गा प्रसाईंलाई प्रहरीले पुनः पक्राउ गरेको छ। साइबर अपराध मुद्दामा धरौटीमा छुटेपछि केन्द्रीय अनुसन्धान ब्यूरो (सीआइबी)ले उनलाई नियन्त्रणमा लिएको हो।
सीआइबीले भारतीय गुण्डा नाइके लरेन्स विश्नोईको नाम लिएर नेपालका व्यवसायीलाई धम्की दिएको घटनामा अनुसन्धान गरिरहेको छ। यस क्रममा संगठित अपराध र आपराधिक लाभ सम्बन्धी मुद्दामा जिल्ला अदालतबाट पक्राउ पुर्जीसमेत जारी गरिएको छ।
यसअघि, प्रधानमन्त्री केपी शर्मा ओलीविरुद्ध फर्जी कागजात तयार गरेको आरोपमा काठमाडौं जिल्ला अदालतले उनलाई ४० हजार धरौटीमा छोड्न आदेश दिएको थियो। तर धरौटी बुझाउनासाथ प्रसाईं पुनः पक्राउ परेका हुन्।
