नाम: सुरेन्द्र कुमार दास
ठेगाना: नवराजपुर गाउँपालिका वडा नं. १, भगवतीपुर, सिरहा
पेशा: पत्रकारिता
बुवा: रामनारायण दास
आमा: रामा देवी दास
सुरेन्द्र कुमार दास नेपाली पत्रकारितामा निडर र समर्पित नाम हो । उहाँले १० वर्षभन्दा लामो समयदेखि पत्रकारिता क्षेत्रमा योगदान दिँदै आउनुभएको छ । समाजमा व्याप्त बेथिति र अन्यायलाई उजागर गर्दै सत्य र तथ्यका पक्षमा लेख्न र बोल्न कहिल्यै पछि हट्नुभएको छैन ।
सुरेन्द्र दासको पत्रकारिता यात्राको सुरुवात नेपाल समाचारपत्र र राजधानी दैनिकजस्ता प्रमुख पत्रपत्रिकाबाट भएको हो । सीमावर्ती क्षेत्रका समस्याहरूलाई उठान गर्ने “बोडर विशेष रिपोर्टिङ” मा उहाँको नाम अग्रणी छ । सीमाक्षेत्रमा हुने अवैध गतिविधि, सामाजिक असमानता, र शासन प्रणालीका त्रुटिहरूलाई उजागर गर्दै उहाँले समाजमा परिवर्तन ल्याउन भूमिका खेल्नुभएको छ ।
हाल उहाँ पृतांक राष्ट्रिय दैनिक पत्रिकाका अध्यक्षको रूपमा कार्यरत हुनुहुन्छ । यो भूमिकामा रहँदा उहाँले समाजलाई सकारात्मक मार्गतर्फ लैजान सक्ने सामग्री निर्माण र प्रकाशनमा नेतृत्व गरिरहनुभएको छ ।
सुरेन्द्र दास आफ्नो कलमको माध्यमबाट सामाजिक परिवर्तनको आवाज बनेका छन् । पत्रकारितामा थुप्रै चुनौतीहरूसँग सामना गर्दा पनि उहाँ कहिल्यै विचलित हुनुभएन । चारैतिरबाट विरोध र दबाबका घेराबन्दीबीच पनि उहाँले आफ्नो पेसालाई निरन्तरता दिनुभएको छ । निडर र निष्पक्ष पत्रकारिताका लागि उहाँले थुप्रै जोखिम मोल्नुभएको छ ।
सुरेन्द्र कुमार दास जस्ता पत्रकारहरू समाज परिवर्तनका आधारस्तम्भ हुन् । उहाँको जीवन संघर्ष, साहस, र समर्पणले नेपाली पत्रकारितामा प्रेरणादायी उदाहरण प्रस्तुत गरेको छ।
