स्याङ्जा । गण्डकी प्रदेश प्रहरी प्रमुख प्रहरी नायव महानिरीक्षक भोला बहादुर रावलज्यू आज मिति २०८१।०९।०९ गते निरीक्षण भ्रमणको शिलसिलामा जिल्ला प्रहरी कार्यालय स्याङ्जामा पाल्नुभई यस कार्यालय तथा मातहत समेतमा कार्यरत प्रहरी कर्मचारीहरूलाई निर्देशन सम्बोधन गर्नुका साथै विभिन्न शाखाहरु, कोतगारत, चमेना गृह, कार्यालय परिसर लगायतको निरीक्षण अनुगमन सम्पन्न गर्नुभएको छ ।
प्रहरी नायव महानिरीक्षक रावलज्यूले स्याङ्जा जिल्लाको शान्ति सुरक्षा लगायतको बिषयमा प्रस्तुतिकरण मार्फत जानकारी समेत लिनुभएको थियो । कार्यक्रममा जिल्ला प्रहरी कार्यालय स्याङ्जाका कार्यालय प्रमुख प्रहरी उपरीक्षक शालिग्राम शर्माज्यूले जिल्लाको शान्ति सुरक्षाको अवस्था, प्रहरी परिचालन र कार्य सम्पादनको बिषयमा जानकारी गराउनुभएको थियो ।
