काठमाडौं । त्रिभुवन विमानस्थलस्थित नागरिक उड्डयन प्राधिकरणका अनुसार मंगलबार ३० वटा आन्तरिक उडान रद्द भएका छन्।
बुद्ध एयरको मात्र १७ वटा उडान रद्द भए। बुद्धको भैरहवाको ६, नेपालगञ्ज र जनकपुरको ४/४, तथा सिमराको तीन वटा उडान रद्द भएका छन्।
त्यस्तै, यती एयरलाइन्सको भैरहवाको दुई र सिमरा, नेपालगञ्ज, जनकपुर र विराटनटरका १/१ उडान हुन सकेनन्। श्री एयरलाइन्सको नेपालगञ्ज तीन, भैरहवा दुई र भरतपुर र सुर्खेतका १/१ उडान रद्द भएको नागरिक उड्डयन प्राधिकरणले जनाएको छ । तराईका जिल्लाहरुमा बाक्लो हुस्सुका कारण नियमित उडानहरू रद्द भएका हुन्।
