दाङ । भालुवाङ जिल्ला ट्राफिक प्रहरी कार्यालय दाङको सक्रियतामा एवं इलाका प्रहरी कार्यालय भालुवाङले बाँके लगायतका जिल्लाबाट भुस ढुवानी गरेर पूर्वतर्फ जान लागेका केही भब्बड गाडीहरुलाई भालुवाङमा होल्ड गरेर राखेकोगरेको छ । लुम्बिनी प्रदेश प्रहरी प्रमुख डिआइजी दानबहादुर कार्कीले कुनै पनि भब्बड भारी लिएर राजमार्गमा चल्न नपाउने र चलेमा गाडीहरू फिर्ता गराउनुपर्ने अनुरुप जरिवाना काटेर नियम अनुसार गाडीहरू पल्टी गरेर अरु गाडी बोलाएर छोडिएको जिल्ला ट्राफिक प्रहरी कार्यालय दाङका ट्राफिक प्रमुख प्रहरी निरीक्षक राजेश शाहीले बताएका छन् ।
केही दिन अघि चारवटा त्यस्ता गाडीहरु नियम विपरीत आएको भए तापनि अन्य गाडीहरूमा पल्टी गरेर पठाइएको ट्राफिक प्रमुख शाहीले जानकारी दिए । बिहीबार पनि त्यस्तै अर्को भब्बड ढुवानी गरेको पश्चिमबाट पूर्वतर्फ जाँदै गरेको गाडी भालुवाङमा रोकिएको छ ।
