काठमाडौं । प्रमुख प्रतिपक्षी नेकपा (माओवादी केन्द्र) का अध्यक्ष पुष्पकमल दाहाल ‘प्रचण्ड’ ले नेपाली कांग्रेस र नेकपा (एमाले) को गठबन्धन अप्राकृतिक रहेको टिप्पणी गर्दै अब नचल्ने दावी गरेका छन् ।
सिंहदरबारमा आज (शुक्रबार) नेकपा (एकीकृत समाजवादी) का अध्यक्ष माधवकुमार नेपालसँग छलफलपछि पत्रकारहरूको प्रश्नमा जबाफ दिँदै पूर्व प्रधानमन्त्री समेत रहेका प्रचण्डले भने, ‘यो गठबन्धन अप्राकृतिक, अलोकतान्त्रिक र अपारदर्शी छ भन्ने कुरा मैले गम्भीर रूपले संसदमै र बाहिर पनि स्पष्ट रुपमा भनेको तपाईंहरूले सुन्नु भएकै छ । अप्राकृतिक ढंगले अब यो चल्दैन ।’
अध्यक्ष प्रचण्डले समाजवादी मोर्चालाई सक्रिय बनाउनेबारे बिहीबार र शुक्रबार छलफल गरिएको बताएका छन् । समाजवादी मोर्चाको बैठक माघ २ गते बस्ने पनि अध्यक्ष प्रचण्डको भनाइ छ ।
