हेटौडा । मकवानपुर थाहा न.पा.वडा नं. ११ टिस्टुङ नौखण्डे स्थित त्रिभुवन राजपथ सडकखण्डबाट हेटौडा हुदै भारत तर्फ लागु औषध ओसार पोसार भईरहेको छ भन्ने प्राप्त बिशेष सूचनाको आधारमा इलाका प्रहरी कार्यालय पालुङ मकवानपुरबाट खटिएको प्रहरी टोलीले उक्त स्थानमा सवारी साधनहरु रोक्ने क्रममा DL 8CX 1224 नम्बरको कारलाई चेकजाँच गर्दा चालक देश भारत, राज्य हरियाणा, जिल्ला हिसार, ग्राम पंचायत गोबिन्द नगर थाना सदर घर हुने वर्ष २५ को कुनाल गोथ्वाल र ऐ.ऐ. न्यु सुवास नगर थाना सदर घर हुने अं. वर्ष २० को मनिस कुमारलाई शंका लागी रितपुर्वक खानतलासी गर्दा निजहरुले कार भित्र लुकाई छिपाई गरी ल्याईएको अवस्थामा लागु औषध चरेश २१ किलो ४६० ग्राम र अफिम ३ किलो ४७० ग्राम फेला परेको हुंदा उक्त लागु औषध, कार बरामद गरी निजहरु कुनाल गोथ्वाल र मनिस कुमारलाई नियन्त्रणमा लिई थप अनुसन्धान कार्य भईरहेको ।
