महेन्द्र सिंह
दाङ मङ्सिर २६ दाङ देउखुरी गढवा गाउँपनलिका वडा नम्बर २ स्थित घनश्याम चौधरीको घरमा बम बिष्पोट भएको छ । घरको पहिलो तल्लामा टिनको बाकसमा लुकाएर राखेको जीलेटिङ्ग बम विस्पोट भएको ईलाका प्रहरी कार्यालय गढवाका प्रहरी प्रमुख प्रहरी निरीक्षक भरत सिंह राठोरले जानकारी दिएका छन ।
घरधनी चौधरीले सडकमा काम गर्ने क्रममा माछा मार्ने प्रयोजनको लागी जिलेटीङ्ग बम घरमा लुकाएर राखेको गडवा प्रहरीले अनुसन्धानबाट पत्ता लगाएको छ । बिष्पोट बाट दुई तल्ले घर पुर्ण रुपले क्षति भएको छ । भने मानविय क्षती नभएको गड्वा प्रहरीले सोधपुछ अनुसन्धानको लागी घरधनी चौधरीलाई नियन्त्रणमा लिएको छ । घटनाको बारेमा प्रहरीले अनुसन्धान गरिरहेको गडवा प्रहरी प्रमुख राठोरले बताए ।
