दाङ । घोराही ४०औँ वार्षिकोत्सव मुल समारोह कार्यक्रम तालुक लुम्बिनी प्रदेश प्रहरी कार्यालय, दाङका प्रमुख तथा विद्यालयका संरक्षक प्रहरी नायव महानिरीक्षक श्रीमान् दान बहादुर कार्कीको प्रमुख आतिथ्यतामा सु-सम्पन्न भएको छ ।
सो कार्यक्रमको सभापतित्व तालुक लुम्बिनी प्रदेश प्रहरी तालिम केन्द्र, बुटवल, रुपन्देहीका समादेशक प्रहरी वरिष्ठ उपरीक्षक श्रीमान् माधव प्रसाद श्रेष्ठज्यूले गर्नु भएको थियो भने प्राचार्य नुमलाल पाण्डेज्यूले विद्यालयको वार्षिक प्रतिवेदन प्रस्तुत तथा विद्यालयका समादेशक प्रहरी निरीक्षक डिल्लीराज सापकोटाले स्वागत मन्तव्य दिनु भएको थियो । कार्यक्रममा विद्यालयमा अध्ययनरत विद्यार्थीहरुका करीब आठ सय जना अभिभावकहरुको उपस्थिति रहनुका साथै विद्यालयमा अध्ययनरत छात्र-छात्राहरुले विविध नृत्य तथा सांकृतिक कार्यक्रम प्रस्तुत गरेका थिए ।
सो अवसरमा वर्ष शिक्षक, वर्ष अभिभावक, वर्ष विद्यार्थी र वर्ष प्रहरी को उपाधि सहित सम्मान – पत्र प्रदान गरिएको थियो । साथै विद्यालयमा स्थापित विभिन्न अक्षयकोषबाट छात्रवृति प्रदान गरि कार्यक्रम समाप्त भएको कार्यक्रमका केही झलकहरु!
