काठमाडौं । नेपाल सरकारको नियमित बजेटबाट निर्माण भएको नवनिर्मित प्रहरी चौकी शिखरपुर (कानपुर), काभ्रेपलाञ्चोकको भौतिक संरचनाको समुद्घाटन सम्पन्न भएको छ । आज मिति २०८१।१०।२१ गते आयोजित समुद्घाटन कार्यक्रममा बागमती प्रदेश प्रहरी प्रमुख प्रहरी नायव महानिरीक्षक कृष्ण हरि शर्माज्यूको प्रमुख आतिथ्यतामा सम्पन्न भएको हो ।
साथै उक्त कार्यक्रममा नमोबुद्ध नगरपालिकाका नगर प्रमुखज्यू, रोशी तथा तेमाल गाउँपालिकाका अध्यक्षज्यूहरु, नेपाल प्रहरी प्रदेश कार्यालय बनेपा काभ्रेपलाञ्चोकका प्रमुख जिल्ला सुरक्षा समिति काभ्रेपलाञ्चोकका पदाधिकारीज्यूहरु, काभ्रेपलाञ्चोक जिल्ला स्थित विभिन्न सरकारी कार्यालयका प्रमुख एवं प्रतिनिधिज्यूहरु, जनप्रतिनिधिज्यूहरु, सिनियर प्रहरी अधिकृतज्यूहरु, पूर्व प्रहरी कर्मचारीहरु, जिल्ला स्थित विभिन्न संघसंस्थामा आवद्ध प्रमुख एवं प्रतिनिधिज्यूहरु तथा प्रहरी कर्मचारीज्यूहरू लगायतको उपस्थिति रहेको थियो ।
कार्यक्रमको अन्त्यमा, नवनिर्मित प्रहरी चौकी शिखरपुर (कानपुर), काभ्रेपलाञ्चोकको प्रशासनिक भवन निर्माणमा योगदान पुर्याउनु हुने निर्माण व्यवसायीहरूलाई कार्यक्रमका प्रमुख अतिथिज्यूबाट प्रशंसा पत्र प्रदान गर्नु भई धन्यवाद मन्तव्य राखी कार्यक्रम सम्पन्न भएको थियो ।
