काठमाडौं । नेपाल प्रहरीकाे महानिरीक्षक मातहतको उजुरी छानबिन शाखाले केही प्रहरी कर्मचारीलाई छानबिनका लागि तानेको छ। उनीहरूकाे बारेमा धेरै उजुरी र गुनासोहरू परेपछि छानबिनका लागि तानेको शाखाले जानकारी दिएको छ । छानबिनका लागि तानिएकाहरूमा पर्साबाट असई प्रमाेद सिंह , मकवानपुरबाट बरिष्ठ हवल्दार खुस बहादुर बस्नेत र घुमुवा सहायक हवल्दार जीत बहादुर खड्का र मधेस प्रदेश प्रहरी कार्यालयबाट सहायक हवल्दार भाेगेन्द्र पासवान रहेको समेत थाहा भएको छ । मकवानपुरबाट तानिएका सहायक हवल्दार जीत बहादुर खड्का पहिले बांकेमा घुमुवा रहेको र धेरै उजुरी परेपछि मुख्यालयमा नै छानबिनका लागि तानिएका थिए । त्यसपछि कारबाही स्वरूप उनलाई हेटौंडा गणमा खटाइएको थियो । गणमा हालिएका उनलाई मकवानपुर जिल्लामा काजमा ल्याएर घुमुवाकाे रूपमा परिचालन गरिए पछि उनी उठन्तीमा रहेको भन्दै उनी बिरूद्व उजुरी परेपछि फेरि छानबिनका लागि तानिएको बताइएको छ ।
