एबिसी संचार
कैलाली पुस ५ केही दिनदेखि चलेको शीतलहरसँगै बढेको चिसोका कारण जनजीवन कष्टकर बनेपछि कैलालीको टीकापुर नगर क्षेत्रमा प्रहरीको पहलमा शनिबारबाट आगो ताप्ने व्यवस्था गरिएको छ। स्थानीय सामुदायिक वनसँग गरिएको समन्वयपछि निःशुल्क रुपमा दाउरा उपलब्ध भई नगर क्षेत्रका १६ ठाउँमा आगो ताप्ने व्यवस्था मिलाइएको इलाका प्रहरी कार्यालय टीकापुरका प्रहरी नायब उपरीक्षक मनोहरप्रसाद भट्टले बताए।
नगरका बासिन्दालाई चिसोबाट बचाउने अभियानस्वरुप आगो ताप्ने व्यवस्था गरिएको भट्टले बताउनुभयो । यसैबीच नगर क्षेत्रका विद्यालय आसपासका मदिरा पसल तथा होटेलबाट ९५० लिटर अवैध घरेलु मदिरा जफत गरी शनिबार नै नष्ट गरिएको छ। बढ्दो लागुऔषधको सेवन ओसारपसार सामाजिक चुनौतीको रुपमा देखिन थालेपछि यस्ता विकृति न्यूनीकरण गर्नका लागि प्रहरीले टीकापुर क्षेत्रमा हरेक दिन ‘विद्यालयमा एक घण्टे कार्यक्रम’ अभियान पनि थालेको छ ।
विद्यालयका छात्रछात्रालाई लागुऔषधको प्रयोगले मानिसको स्वास्थ्य र समाजमा पार्ने असर, बाल विवाह गर्दा हुने असर लगायतका विषयमा प्रहरी अधिकृतले चेतनामूलक प्रशिक्षण दिने गरिएको बताइएको छ ।

सम्बन्धित

फार्मेसी अधिकृत २ लाख घूससहित अख्तियारको नियन्त्रणमा

बाँकेको राँझा विमानस्थलमा आपतकालीन पूर्वअभ्यास सुरुहुने

बर्दिया सशस्त्र प्रहरीले लाखौं मूल्यको अवैध सामाग्री पक्राउ

बाँके प्रहरीले १० किलो हात्तीको दाँतसहित एकजना पक्राउ

कायर होर हामीले राजीनामा दिने शिक्षामन्त्री : श्रेष्ठ

मालपोत कार्यालय चितवनका लेखा अधिकृत किर्ते दस्तखतमा पक्राउ