(महेन्द्र सिंह) नेपालगन्ज पुस १४ जिल्ला ट्राफिक प्रहरी बाँकेले सोमबार नेपालगन्जका विभिन्न स्थानहरुमा ट्राफिक सचेतना सम्बन्धी कार्यक्रम गरेको छ।
सवारी दुर्घटना न्यूनिकरणका लागि ट्राफिक प्रहरीको हरदिन प्रशिक्षण कार्यक्रम अन्तर्गत सोमबार नेपालगन्जको वडा नम्बर १० स्थित भृकुटीनगरमा रहेको प्रभात मेमोरियल स्कुलमा बिद्यार्थीहरुलाई ट्राफिक सचेतना सम्बन्धी क्लास दिएको हो।
जिल्ला ट्राफिक प्रहरी कार्यालय बाँकेका ट्राफिक प्रमुख प्रहरी निरीक्षक पबिन्द्र बम लगायत नेपालगन्ज ट्राफिक प्रमुख प्रहरी नायब निरीक्षक ओम पौडेलले प्रभाव स्कुलमा विद्यार्थीहरुलाई ट्राफिक नियम,जरिवाना एबम जेब्रा क्रसीङ कसरी गर्ने बारेमा जानकारी दिएका थिए। प्रभाव स्कुलमा भएको सचेतना कार्यक्रममा स्कुलका प्रीन्सिपल बिक्रम राज बिष्ट अन्य शिक्षकहरुको उपस्थिति रहेको थियो भने ५० भन्दा बढी विद्यार्थीहरुको सहभागिता रहेको थियो।
त्यस्तै ट्राफिक प्रहरीले सोमबार नै जानकी गाउँपालिका वडा नम्बर २ जोगागाउँ स्थित श्री माध्यामिक बिधालय र वडा नम्बर २ बोगटीया स्थित भृकुटी प्राथमिक बिधालयमा ट्राफिक सचेतना सम्बन्धी कार्यक्रम गरेको बाँके ट्राफिक प्रमुख बमले बताए। यस्तै ट्राफिक प्रहरीले नेपालगन्जको धम्बोझी चोकमा पैदल यात्रुहरुलाई जेब्रा क्रसीङबाट बाटो कसरी पार गर्ने बारेमा समेत जानकारी गराएको बाँके ट्राफिक प्रमुख बमले बताए ।

सम्बन्धित

संयुक्त राष्ट्रसंघले जोखिमपूर्ण लागुऔषधको सूचीबाट गाँजालाई हटायो

५. नम्बर प्रदेश प्रदेशमा ८ सय २३ घरेलु हिंसाका घटनाहरु

बाँके प्रहरीले लागुऔषध निष्तेज पार्ने बारे अन्तरकृया गर्यो

दाङमा राजसंस्था पुन स्थापनाको माग राख्दै मोटरसाइकल र्याली

SSP अशोक सिंह एक्सनमा नयाँ-पुराना सबै डनहरु काठमाडौँ छाड्दै

दाङमा ८ सहकारीले मात्र अनुदानको मल विक्रि वितरण गर्न पाउने