१५ चैत्र २०८०, बिहिबार
28-03-2024 , Thu
×

कलंकी ट्राफिक प्रहरीमा व्यापक परिवर्तन पुरा सेट नै सरुवा

Logo
प्रकाशित बिहिबार, पुष १७, २०७६

काठमाडौं पुस १७ महानगरीय ट्राफिक प्रहरी महाशाखाले उपत्यका प्रवेश गर्ने मुख्य कलंकी नाका व्यवस्थापन गर्ने जिम्मा पाएको कलंकी ट्राफिक प्रहरी प्रभावमा कार्यरत ट्राफिक प्रहरीको ‘सेट’ नै परिवर्तन गरेको छ । आर्थिक अनियमितता भएको आशंकापछि सेट नै परिवर्तन गर्नु परेकाे महाशाखाले जनाएको छ । महाशाखाका अनुसार लामो अवधिदेखि प्रभागमा कार्यरत ट्राफिक प्रहरीको कार्य कुशलतामा समेत ह्रास आएको थियो ।
महाशाखाका प्रवक्ता एसपी जीवन श्रेष्ठले कलंकी आसपासको ट्राफिक व्यवस्थापन सुदृढ गर्न एक्सन लिनु परेको बताए । उनले भने, ‘प्रहरीमा सरुवा बढुवा प्रकृया नियमित हो । कलंकीमा पनि यस्तै भएको हो । यसले ट्राफिक व्यवस्थापनलाई अझै प्रभावकारी बनाउने छ ।’
महाशाखाका अनुसार प्रभावमा कार्यरत ४५ प्रहरी कर्मचारीको सेट परिवर्तन गरिएको हो । परिवर्तन हुनेमा सईदेखि सिपाहीसम्मका टोली रहेका छन् । परिवर्तनपछि प्रभागका प्रहरी कर्मचारी महाशाखा तानिएका छन् । प्रभागका नयाँ प्रहरी खटिएका छन् ।

कमेन्ट गर्नुहोस्
सम्बन्धित

(एबिसि संचार ) होली खेलेर सुनकोशीमा नुहाउने क्रममा तीन दिनअघि बेपत्ता भएका त्रियुगा नगरपालिका–१४ साउनेकी रेखा मगरको शव बुधबार बिहान फेला परेको छ । जिल्ला प्रहरी कार्यालय उदयपुरका अनुसार आज बिहान साउनेको धाप्लाङदेखि ६ किलोमिटर तल सूर्यढुङ्गा भन्ने स्थानमा १२ वर्षीया रेखा मगरको शव फेला परेको प्रहरीले जनाएको छ ।

(एबिसि संचार ) कैलालीको धनगढीबाट लागूऔषधसहित एक जना पक्राउ परेका छन्। जिल्लाको गोदावरी नगरपालिका–१० का २२ वर्षीय तेजबहादुर बोहरा लागुऔषधसहित पक्राउ परेका हुन्। धनगढी उपमहानगरपालिका–३ बाट उनी ५० मिलिग्राम ब्राउनसुगर र ९६ क्याप्सुल प्रिगाबा र १० क्याप्सुल एभिनसहित पक्राउ परेका छन्। 

(एबिसि संचार ) कञ्चनपुरमा डिभिजन वन कार्यालयभित्रै चितुवाले एक जनालाई आक्रमण गरेको छ। डिभिजन वन कार्यालय महेन्द्रनगरमा सशस्त्र वन रक्षकतर्फ जमदार पदमा कार्यरत अर्जुनसिंह थापालाई चितुवाले आक्रमण गरेको हो। डिभिजिन वन कार्यालयका प्रमुख भीम कडेलले चितुवालाई बेहोस बनाएर खोरमा हाल्ने क्रममा थापामाथि आक्रमण गरेको बताए। बेहोस भइसकेको ठानेर खोरमा लैजान खोज्दा चितुवा थापामाथि झम्टिएको थियो।