६२/६३ जनआन्दोलनका प्रथम सहिद उमेशचन्द्र थापाको सहिदगेट रंगरोगनमा ढिलासुस्ती

दाङ पुस १७ को घोराहीमा रहेको सहिदगेटको रंगरोगनको काम सुस्त गतिमा भएपछि यात्रा गर्न समस्या भएको छ । उपमहानगरपालिकाले गर्न लागेको काम सुस्त गतिमा भएपछि बाटाका बटुवा, सवारी साधानलाई आवात जावतमा समस्या भएको हो ।
गेट निर्माण भएको लामो समयपछि रंगरोगन गर्न लागिएको हो । जनआन्दोलन २०६२÷०६३ का प्रथम सहिद उमेशचन्द्र थापाको सम्झना निर्माण गरिएको गेटको सजावटका लागि काम भए पनि सुस्त गतिमा हुदा यात्रामा समस्या भएको हो ।
गेटमा रंगरोगन गर्न कामदार कम प्रयोग भएका छन् भने बासले गर्दा यात्रामा समस्या भएको छ । घोराही उपमहानगरको सहयोगमा गेटमा रंगरोगन गर्न लागिएको हो ।
यसैबीच उपमहानगरका प्रमुख नरुलाल चौधरीले रंगरोगनको कार्यलाई तीब्र बनाउन निर्देशन दिइसकेको बताउनुभएको छ । केही दिनदेखि काम जारी रहेको भए पनि स्थानीयले काम निकै सुस्त गतिमा भइरहेको गुनासो गरेका छन् ।