०६ मंसिर २०८३, आइतबार
22-11-2026 , Sun
×

अपराधमुक्त समाज निर्माणका लागि प्रहरीलाई जनताको सहयोग चाहिन्छ: डिआइजी शाह

Logo
प्रकाशित मंगलबार, पुष २२, २०७६

सागर थापा/विबेक बिश्वकर्मा) भैरहवा पुस २२ पाँच नम्बर प्रदेशका प्रहरी नायब महानिरीक्षक (डीआइजी) सुरेश विक्रम शाहले नागरिकले प्रहरी संगठनलाई सहयोग गर्न आवश्यक रहेको बताएका छन् ।मंगलबार रुपन्देहीको इलाका प्रहरी कार्यालय मर्चवारको नवनिर्मित भवन र ब्यारेकको उद्घाटन गर्दै उनले भने, ‘यो संगठन तपाईहरुको हो, यसलाई मलजल गर्नुस्, हामी लाग्छौं र तपाईंहरुको सेवामा लागिरहन्छौँ।’
उनले नागरिकको सहयोगविना प्रहरीले मात्र केही गर्न नसक्ने बताउँदै अपराधमुक्त समाज निर्माणका लागि प्रहरीलाई सहयोग गर्न आग्रह गरे ।’गलत क्रियाकलाप गर्ने समूह÷व्यक्तिको सूचना दिएमा हामीले समाजलाई शान्त राख्न सक्छौँ, उनले भने, ‘जबसम्म तपाईहरुको सहयोग पाउँदैनौं तबसम्म अपराध अनुसन्धानमा सफल भइदैन।’ उनले नागरिकलाई पीडा दिने क्रियाकलाप भएमा आफूहरु नागरिकको प्रहरी हुन नसक्ने भन्दै आचरण, व्यवहारमा थप सुधार ल्याउन आफू मातहतका कर्मचारीलाई निर्देशन दिए। नयाँ भवनजस्तै प्रहरीको सेवा उत्कृष्ठ हुने बताउँदै सत्य सेवा सुरक्षणम् मूलमन्त्र अंगालेर काम गर्ने उनले निर्देशन दिए ।कुल २३ कठ्ठा क्षेत्रफलमा रहेको इप्रका मर्चवारको नयाँ भवन १ करोड ५५ लाख ८३ हजार रुपैयाँको लागतमा निर्माण भएको रुपन्देहीका निमित्त प्रहरी प्रमुख प्रहरी नायब उपरीक्षक खड्क बहादुर खत्रीले बताए।उनले आधुनिक डिजाइनमा निर्माण भएको भवनले नागरिकको सेवा प्रवाहमा सहजता ल्याउनेमा विश्वास व्यक्त गरे।

कमेन्ट गर्नुहोस्
सम्बन्धित

बाँके । नेपालगञ्ज उपमहानगरपालिका वडा नं. १४ को कल्लुपर्वा टोलमा राष्ट्रिय जनमत पार्टी (बुलडोजर छाप) को ११ सदस्यीय टोल समिति गठन भएको छ। आज सम्पन्न कार्यक्रममा पार्टीका महासचिव राजा सिंह, जिल्ला नेता शैलेन्द्र सिजापति, वडा नं. १४ का वार्ड इन्चार्ज रमजान अलि राई, केन्द्रीय सदस्य माजिद हासमी, समाजसेवी इसाक हासमी लगायतको उपस्थिति रहेको थियो। कार्यक्रममा […]

काठमाडौं । दोलखाको गैरीमुदीबाट काठमाडौंका लागि छुटेको बस चरंगे भन्ने स्थानमा दुर्घटनामा परेको छ। दुर्घटनामा बैत्यश्वर–२ की कुमारी तामाङ गम्भीर घाइते भएकी छन्। जिल्ला प्रहरी कार्यालय, दोलखाका अनुसार बा ३ ख २९९७ नम्बरको बस मंगलबार दिउँसो उकालोमा पछाडि सर्दा भित्तामा ठोक्किएको थियो। त्यसक्रममा तामाङ च्यापिएकी थिइन्। बसमा ६ जना सवार थिए। घाइते तामाङको उद्धार गर्ने […]

दाङ । तुल्सीपुरमा बिहानैदेखि किसानको ताजा तरकारीले भरिएको पातखोला तरकारी बजारमा यतिबेला निकै चहलपहल छ। स्थानीय किसानले बारीबाट टिपेर ल्याएको ताजा साग, गोलभेडा, आलु, काउली, बन्दा, धनियाँले बजार भरिएको छ। सस्तो र ताजा तरकारी किन्न बिहानैदेखि उपभोक्ताको भीड लागेको छ। किसानलाई सिधै बजार, उपभोक्तालाई ताजा तरकारी। यही नै पातखोला बजारको विशेषता हो।

error: Content is protected !!