(एबिसी संचार)
अख्तियार दुरुपयोग अनुसन्धान आयोगले सेवाग्राहीसँग घुस लिएको आरोपमा इलाका प्रहरी कार्यालय यज्ञभूमि धनुषामा कार्यरत प्रहरी नायब निरीक्षक कालिचरण पञ्जियारीविरुद्ध आज विशेष अदालतमा मुद्दा दायर गरेको छ ।
सवारी दुर्घटनामा क्षतिपूर्ति दिलाइ दिएबापत रु १५ हजार घुस लिएको अवस्थामा आयोगको टोलीले उनलाई नियन्त्रणमा लिएको थियो ।
निज प्रनानी निरीक्षक पञ्जियारविरुद्ध सोही रकम बराबर बिगो माग दाबी लिई मुद्दा दायर गरिएको आयोगका प्रवक्ता प्रदीपकुमार कोइरालाले जानकारी दिए ।
यस्तै आयोगले नक्कली शैक्षिक योग्यताको प्रमाणपत्र पेश गरी सरकारी सुविधा लिएको भन्दै श्री जनजौ कुमारी शाही प्राथमिक विद्यालय तनहुँको शिक्षिका अनिता पोखरेलविरुद्ध पनि विशेष अदालतमा मुद्दा दायर गरेको छ ।
निजले माध्यामिक शिक्षा परिषद् क्षेत्रीय कार्यालय वाराणासीबाट प्रमाणपत्र तहको परीक्षा उत्तीर्ण गरेको झुठ्ठा प्रमाणपत्र पेश गरी २०५६ मङ्सिर १० देखि २०७५ चैत ८ गतेसम्म शिक्षिकाका रुपमा काम गरेको आयोगले जनाएको छ ।

सम्बन्धित

मोरङमा १४ हजार नगदसहित १२ जना जुवाडे पक्राउ

काठमाडौंमा कोरोना संक्रमित बढ्यै पछी आईसीयूमा बेड नहुँदा इमरजेन्सीमा राखेर उपचार गर्दै

केराउ तस्करी गर्ने समूहको संलग्नता घाँटीमा कोदाली हानेर प्रहरीको हत्या

८ वर्षीया बालिकाको अपहरण ३ घण्टामै सकुशल उद्धार गर्न सफल प्रहरी

चितवनमा कोरोना सङ्क्रमित एकजना वृद्धको मृत्यु

प्रहरी हत्या प्रकरण असई विकले बोकेको पेस्तोल भेटियो