(एबिसी संचार ब्युरो)
राजविराज- प्रहरी ऐन तथा आचारणविरुद्ध काम गर्ने सप्तरीका ९ जना प्रहरी कारबाहीमा परेका छन्।
चालु आर्थिक वर्षको ६ महिनामा ३ असई, २ हवल्दार र ४ प्रहरी जवान कारबाहीमा परेको जिल्ला प्रहरी कार्यालय सप्तरीका एसपी कृष्ण प्रसाईंले वताए। जिल्ला प्रहरी कार्यालय सप्तरीमा बिहीबार आयोजित पत्रकार भेटघाट तथा अन्तर्क्रिया कार्यक्रममा प्रहरीको आचरणविरुद्ध काम गरेको पाइएकाले उनीहरूलाई कारबाही गरिएको प्रसाईंले बताए।
कारबाहीमा परेकामध्ये असई जनक गौतम, कुम्भराज लिम्बू र प्रमोदप्रसाद साहलाई नसिहत दिइएको छ। प्रहरी हवल्दार रामेन्द्र महतो कोइरी र प्रहरी जवान सञ्जीत कार्कीको सुरुको तलब स्केलमा घटुवा गरिएको छ भने प्रहरी हवल्दार वीरेन्द्र मुखिया, प्रहरी जवान सन्देश राई र उमेश महरालाई नसिहत दिइएको छ।
